Partner:

Windsurf Action Blogs

Add new blog entry...

Action Blog Feed

22.09.2004 Jericoacoara

2004 Jericoa...

Bedingungen: 1-6 BFT E

Wuerde ich auf meine Stimmung von heute Mittag hoeren, so muesste ich an dieser Stelle auf eine Begruessung verzichten. Doch will ich freundlich sein und sage deshalb einfach mal wieder: ola chiccas, ola chiccos... man glaubt es kaum, aber der bombo und seine jeri-kumpanos durften heute schwimmen... und schwimmen... und noch mehr schwimmen. oder aber man hatte glueck und durfte im fischerboeoetli mit den toten fischen mitfahren... warum? ganz einfach: da erscheint ein gewitterwoelkli am himmel, man fragt die staff vom windsurfclub (inkl. brasil-locals) ob das evtl. mit anschliessendem windverlust zu tun hat und die antwort ist: nei nei, alles prima, alles tip top. jeri haet nie raege (jetzt wuend ihr das eifach no uf portugisisch uebersetze und denn wuessed ihr, wie sich das aaglost haet. also... bombo schnappt sich das 79er wave-braettli und s´4.2er search-saegeli (es haet keis 4.4er meh gha...) und man staune, es haet sogar no guet funktioniert. d´sprungrampe sind au noed ohni gsi, eigentlich en raecht normale und coole jeri-tag. na ja... 5 schlaeg zumindescht. denn isch ebe das geile wuelchli cho, dae bombo isch ca. 500 meter vom strand eweg gsi (han mal wieder oeppis probiert gha..) und wuschhhhhhhhhhhh... weg isch dae wind. und natuerli genau i dem moment, wo mich mis manoever is wasser gruehrt haet und en wasserstart a dae tagesornig waeri... mit mir zaeme haets denn oeppe no 15 anderi is wasser gschubst und denn isch us emene surftag en regelraechte schwuemmtag worde.. und man staune gerade nocheinmal: han sogar dae verdammti waeg ohni rescueboat choenne bzw. muesse zruggschwuemme. was fuer es vergnuege!! und wenn ich holzchopf doch nur echli gschiider gsi waeri, denn haet ich mich im wasser la triibe laa (so wie´s oeppe 10 anderi gmacht haend) und mer waeri vo 2 fischerboot grettet worde. tami, energie verschwaendet fuer nuet... han denn zum dae tag rette mich nochli mit sandboarde guebt, aber ich rate jedem dringend ab - 3 gruend spraeched daegaege: 1. sandduene isch zu chlii, dae speed isch schlichtwaeg eifach nur im traum vorstellbar, in wuerklichkeit isch en schnaegg uf sim super-schleim no schnaeller 2. nach dem vergnuegen, die arbeit... mir schwiizer sind eus natuerlich a sessellift gwoehnt. in jeri sind´s halt leider nonig so wiit... ich muess glaub noed meh schriibe, oder? usser dass es a dae sunne wahrschinli 35 grad heiss gsi isch und dae schweiss nuemm gwuesst haet, us wellne pore er soell usecho. 3. dae punkt spricht di mangelhafti usrueschtig aa. mer stiigt barfuess i sone klettverschlussbindig ine und probiert denn ohni sich dae fuess z´braeche bzw. dae rugge z´verchratze dae huegel heil z´ueberstaa. alles i allem eigentli noed so en tolle tag. aber freu e mer eus uf morn, mer seit, morn hegis kei wulche meh, somit isch denn au dae wind wieder voll da.