Partner:

Santa Pere Pescador, Costa Brava, Spanien

Bezeichnung:	Santa Pere Pescador, Costa Brava, Spanien
Surf trip von:	chregu_da_zemp
Surf spots:
Datum:	26.07.2004 bis 06.08.2004

Auso... Noch mene lange Sommertägli a üsem Sämpachersee hemmer üs, wos donku worde esch, i de vou öberladnig Kombi vom Lee gsässe ond send mou losgfahre rechtig Spanie. Noch 10 Stond Outofahre am Stöck esch de langsam öbber müed gshe...(de Lee hed alles mösse fahre wöu ech no ke Prüefig ha)
Mer send eifach mou z'Girona ab de Outobahn ond scho gli am schöne Strand gseh. Aber snöchschte Problem esch gseh en geeignete Camping zfende, wöu ofem Internet hani mou es paar vou easy Möglechkeite usgsuecht, aber schlossändlech send alli vou öberbuecht gseh. Chorz nochem Mettag hemmer de no Glöck gha ond of em "Camping Aquarius" öbbis gfonde wöu grad öbber uscheckt hed. Wommer ofem Platz aacho send (die Camping send alles wie chlieni Dörfli; eifach riesig) semmer psycho müed gseh ond hend mou wöue penne... Aber wie? Auso hemmer mou probiert üses provisorische Zäut zbaschtle, was ned so eifach gseh esch bi so starcher Sonne ond vorallem bim Tramontana wo gwäit hed (leider) a dem Tag. Vo dem hemmer äbe a de nöchschte Täg met zwöi Usnahme nüme gseh (pech...)
Die ganzi Sach hed Närve koschtet wöus üs d'Blache emmer weder hed wöue wägwende. Auso hemmer s'Zäut speziell stabil bout, d.h. im Ganze hemmer 150 Schnüerr brucht, bes es gnueg fescht gha hed.
Schlossändlech hemmer es vou gemütlichs Zäut gha wo am obe sogar die scheiss Camping- Spiesser gstuned hend.

Zom Surfe semmer i dene zwöi Woche leider nome 5Mou cho wöus eifach emmer chli zwenig Wend gha hed...(Mer hend üs lo säge, das es eifach ned grad so en super Johreszit gseh esch)
Mer hend üs a de öbrige Täg met Thermik mösse begnüege wo emmer so zwösche Wendsterchi 3.5 ond 4 gseh esch was eifach ned glänged hed för zom gleite...
Am Obig, wenn de Sand chüel gseh esch semmer deför amigs go dracheflüge met minere chine Matte, wo üs aber vou easy dor de Sand zoge hed wemmer ofem Buch gläge esch.
Wöu de Lee fascht 20Kg liechter esch, heder zom Teil no easy Jumps chönne änelegge.
De Wend hed trotzdem glänged das ech ändlech de Wasserstart glehrt ha ond ou die eint oder anderi Hausi.

Mer hend trotz de enttüschende Wendverhäutnis die ganze zwöi Woche vou die Party gha(eigentlech jede Obe...de Lee hed den am nöchschte Morge eifach emmer bes am 12i penned, wäred dem ech be go jogge, dusche ond go iichouffe) ond hend eifach s'edle Wätter gnosse ond die wonderschöni Omgäbig.

De Bitu, mine Brüeder, mis "grosse" (Surf-)Vorböud hed üs dä Spot empfohle, obwou är gwösst hed das eigentlech rächt schwerig esch en guete Surfspot zfende i dere Hochsommerzit...easy es send jo trotzdem no vou die edle Ferie gseh... De Bitu esch de öbbe e Monet spöter genau of de glich Camping gange ond hed vou de easy Wend gha... aso es lohnt sech wörklech wenn mer d'Zit trefft.