Logo Text Goes Here

Han scho so lang nütme ghört vo dir. Wie gahts dir und was machsch so? Bisch de Summer au chli zum Surfe cho?
Es liebs Grüessli us Pfäffike
Sabrina
Sabrina, 21.09.09 - 22:26

Sali Tschile

Bisch immerno flissig am surfe hoffi...
Vilicht chömmer üs mol zunere Style-session uf einem vu üserne schwiizer tümpel verabrede, würmi freuie, chli vu dir z lerne!

lg and be blessed
Nico
Niner, 24.07.09 - 22:46

sehr cooles motto......und passend!
surferjoe, 07.03.09 - 19:57

...Schön, dich auch wieder visuell auf "Soulrider" zu haben
Wärst du bei einem Herbst-Surfli (Wali oder Urni) dabei?
LG, Thisi
(Habe schon 3 super Comersee-Tage in den Armen und Beinen )
makubu, 29.09.08 - 18:08

Scho nervös?
Mer fröie üs ufe 2. August!

Liebi Grüess ad Regina

Lukidrag
lukidrag, 10.07.08 - 00:27

Wie laufts bi dir so? Bisch das Jahr scho ufem Wasser gsi? Bi mir fangt d'Surfsaison ade Ostere a, juhuuuu!!
Gester bini vom Bodesee heicho und morn zieni nach Luzern. Chunsch au as AiA-Weekend?

En liebe Gruess
Sabrina, 01.03.08 - 21:34

Wie läuft's denn so bei dir?
Schon lange nichts mehr von dir gehört!
(Na ja, umgekehrt natürlich auch )
Zum Glück gibt's da noch die eine oder andere Möglichkeit auf "soulrider", um zu Infos zu kommen ...
Würde mich trotzdem freuen, wieder mal was zu hören.
Oder am besten, dich wieder mal zu sehen!
Wie sieht dein Terminkalender so aus?
LG aus dem Rheintal,
Thisi
makubu, 09.12.07 - 10:39

mis "neue" Bildli isch in Dänemark ufgno worde! Isch zwar nöd es typisches Dänemark-Bildli, oder?! Normalerwis treit mer doch Windjacke und Kappe. Aber ich han en richtig schöne und warme Summer erlebt döt obe. Die Wett häsch du also gwunne, aber en Drink dörfschmer gern trotzdem spendiere, das isch e gueti Idee!
Ich bin am Weekend am Murtesee gsi go surfe, juhuuuuu, isch supercoool gsi Obwohls chalt isch, es macht doch mega Spass!
Und du nimmsch de nächsti Sturm? Oder bisch am Suntig doch no ufem Wasser gsi?

Bis nächste Samstig, bim Lagertreff!?

Liebs Grüessli
Sabrina, 12.11.07 - 20:40

Tschou Mättu
liebi Grüess us Bopplise!
bis nögst Samstig?
cu
dave
dave74, 10.11.07 - 22:37

Hey Matthias, isch ja öpe Zit dass de Herbstwind chunt! Hoffentlich gits im Oktober richtig guete Wind! Ufde Pathologie wirds nöd so streng, da lit sicher mal en Surfnamittag drin wäns guete Wind hät, juhuuuu ich freu mich scho!
Häsches gnosse am Fritig ufem Wasser?! Und flissig güebt für di nächst Regatte
Ich bi das Wuchenend am Pfäffikersee, aber hüt Abig gangi den die Grüessli go abhole wo du uf Bern gschickt häsch
Ich wünsch dir no en schöne Sunntig und morn en guete Start idi neu Wuche!
Es liebs Grüessli!
Sabrina, 30.09.07 - 15:08

Ich schick dir es Soulrider-Grüessli us Bern!

Sabrina, 15.09.07 - 23:24

hallo Mätu, bin auch in Dänemark unterwegs, zusammen mit Sabrina. Wind ist tiptop für meine Verhältnisse.

herzlicher Gruss
Cyrille
creal, 12.08.07 - 00:53

hey du
ich bin in Dänemark und s hät Wiiind,yeahh
Nächste Mittwoch gits viiiil Wind, juhuuuu, den surf ich au mal chli für dich, okay?

es liebs Grüessli usem Norde
Sabrina, 11.08.07 - 22:22

...der Wind nur immer so stark wäre wie die Zeit schnell - Übermorgen fahren wir los, und ich glaube "dein" Lager beginnt auch am 7., oder?
Ich schaue sicher mal bei euch vorbei. - Wie lange bist du in Sorico?
Schon jetzt wünsche ich dir/euch/uns jedenfalls eine super Zeit und natürlich möglichst viel Wind!
makubu, 05.07.07 - 10:01

schön vo dir z'ghöre und freut mich dasers guet gha händ in Dänemark! Ich mues momentan flissig si, d'Semesterprüefig rückt nächer. Freu mi aber meeega ufs Camp am Comi. Sooo vil Teilnehmer, das wird sicher lässig! An Goodmove chani morn leider nöd cho.

Es liebs Grüessli
Sabrina, 27.06.07 - 23:45

ha mi gloub noni ganz erhout vo de ferie.aber das chunnt scho no. nume no 8 täg schaffe u de gömer ja scho a comersee. me gseht sech am good move! häbs guet!
simustyle, 26.06.07 - 21:12

Hey Matthias

ich wünsch dir e super Zit in Dänemark! Gnüsses!!
Sei mutig und entschlossen!

es liebs Grüessli
Sabrina, 13.06.07 - 13:01

Bist du schon weg?
Wie auch immer:
Wünsche dir mega viel Spass im hohen Norden und freue mich auf die Räuberstorys !
See you soon!
makubu, 12.06.07 - 22:07

Ciao Mättu!

Hey viel Spass in Kliti ! I blibe allerdings dihei, eine muess jo denk no go schaffe....

Hang loose
Stef
stipu, 07.06.07 - 12:10

Heldikeldi, Cousin!
Na, wie läuft's?
Schon wieder einige Zeit nichts mehr von dir gehört!
Warst du seit Sorico nochmals auf dem Wasser?
Beispielsweise auch an den sensationellen Pfingsten?
Oder bist du voll im Stress?
Hang loose & bis bald!
makubu, 05.06.07 - 09:39